Herocon!! أضخم حدث للانمي في المنصورة!!



darkboy8 21:39:11 2018-06-18

لينك الإيفنت: https://www.facebook.com/profile.php?id=1412920518852077

هيروكون اكبر ايفنت الانمي والجيمز فى المنصوره يوم 14/7 من 12حتى 6.30 فى نادى سماد طلخا بالقرب من محكمة طلخا مباشره من عند كوبري طلخا ودا من اشهر الاماكن فى المنصوره كلها سهل الوصول ليه جدا الأيفنت دا بيبقا ايه ولا بنعمل فيه ايه بص بقا يا سيدى.
.................................................
1- اليوم هيبدأ بكلمة ترحيبية وتعريف بالفقرات اللي هتتم في الايفينت عشان لو حد فاته الديسكربشن او قرر يحضر في اخر لحظة وما يعرفش اية اللي هيحصل + هيبقا فى مفاجات هتتقال يومها مش هتتكتب


2- ركن تبادل الانمي والجيمز هيباشر شغل (ببلاش) 100% لكل زوارنا وهناك هتقدروا تاخدوا لحد 2 تيرا انمي وكمان هيكون عندنا اجدد الالعاب فكله يجهز اجهزتة اللي هياخد عليه الانمي عشان هيمشي من عندنا اجهزتة كلها مليانة انمي (هنحبك اوي لو جبت جهاز بيدعم تقنية USB 3.0) عشان تسهل علينا اننا ننقلك اسرع


3- هيكون فى متاجر للانمى لاى حد عاوز يشترى منتجات او اكسسوارات وتيشيرتات للانمى هتلاقو موجود كل حاجه


4- وهتبدأ بطولة الالعاب ناروتو ستورم4 وغيرها وكل الزوار مرحب بيهم للمشاركة بدون اي تسجيل مسبق كل اللي هتحتاج تعمله انك تسجل اسمك في الايفينت قبل بداية البطولة واكيد هيكون فيه جوايز للمراكز الاولى فكله يجهز للعب والاشتراك فى الدوره مجانى وفى اجهزه غير اجهزه الدوره للعب المجانى ولما الدوره تخلص والكسبانين يستلمو جوايزهم هيبقا الاجهزه كلها للعب الفري


5- ولكل زوارنا المبدعين وصناع الـ AMV اجهزوا عشان هيروكون هو المكان المناسب ليكم ، هيكون فيه مسابقة AMV واللي هتتعرض في الايفينت وطبعا هيكون فيه جوائز


6- وطبعا لبقية الناس سواء كوسبلايرز او غير الكوسبلايرز انتوا كمان مرحب بيكم انكم تنضموا لينا وتطلعوا على المسرح تعرضولنا مواهبكم فى الغناء والعزف وغيرها ، فلو عندك موهبة هيرو كون هو المكان المناسب عشان تنشر موهبتك وهنغنى كلنا مع بعض اغانى سبيستون غير فقره الغناء الاساسيه للى عاوز يشترك فيها


7- فنانينا الموهوبين اكيد مش ناسينكم هيكون فيه مسابقة رسم مع جوايز لاول 5 مراكز وكمان هيكون فيه جدار تقدروا تعلقوا عليه رسوماتكم وهنحافظ عليها وتبدأو تنشروا فنكم وجائزه لاحسن رسمه متعلقه فهات احسن رسوماتك للمعركه + هنعمل شويه مسابقات تانيه للرسم هنعلن عنها قريب وبجوايز دى للناس العاديين زى اكتر رسمه وحشه او فكاهيه ساخره وطبعا فى جايزه لاكتر رسمه تضحك هتبقا فقره مسخره


8- واخيرا وليس اخرا اللحظة اللي كلكم مستنينها مسابقة الكوسبلاي في هيروكون ، واحب اوضح كمان ان الكوسبلايرز هيكون ليهم (فري تيكيت) وكل الكوسبلايرز هيطلعو عالستيدج يستعرضو الكوسبلاي بتاعهم فى شو نص دقيقه او حسب مده الشو اللى مجهزه واوعدكم المره دى هتنبهرو انبهارات جامده هنزلكم قريب اسماء الكوسبلايرز اللى جايين وتشوفو كوسبلايات ليهم عملوها قبل كدا وهيكون فى جوايز ماديه لاعلى كوسبلايرز هنعلن عنها قريب


9- بعد كدة هيكون فيه فقرة اسئلة الانمي وكل الزوار ممكن يشاركوا فيها وكمان هيكون فيه جوائز للاجابات الصحيحة اختبرو معلوماتكم وذاكرو لامتحان الانمى بقا عشان فيه جوايز كتييير جدا فى المسابقه دى


10- مسابقة الكوميك فيديو واللي فيها تقدر تورينا حس دعابتك من خلال الانمي وافضل كوميك فيديو هيكسب جائزة غالبا ادمنز انمى الش هيكسبوها زى كل مره بس انت تقدر تنافس متستسلمش وضحك الناس


11- هيكون فيه اغاني انمي شغالة بين الفقرات وكمان هيكون فيه فقرات تانية ومفاجأت كتير للزوار زى اننا كلنا نغنى مع بعض وفقرات مقالب وتحديات دى هتبقى اكتر فقره مسخره وضحك بس هنخليها مفاجأة دلوقتي عشان ما نحرقش المتعة لان هتفرحو وتتبسطو غصب عنكم وشويه العاب ذكاء هتتعمل هتعجبكم جدا
التفاصيل لسه بردو مش كامله هنزل اضافات كل فتره هنزل باقى الفقرات والالعاب والتحديات اللى هتتعمل قريب :D


تذكرة الايفينت انا بعتذر جدا عن سعرها انه هيزيد لانى مجبر بسبب الزيادات اللى حصلت عليا بطريقه جنونيه فى كل حاجه هتكون 50 جنيه وتقدر تشتريها يوم الايفينت على البوابة


هنعمل تخفيض فى سعر التيكيت للناس اللى من اماكن بعيده او اى حد عنده مشاكل ماديه يتواصل مع الصفحه او الاكونت الشخصى

هيكون فيه باصات تابعة للايفينت واللي هتنقل متابعينا اللي من محافظات بعيدة من و إلى الايفينت
انتظروا تفاصيل الباصات قريبا


كل التعليمات الخاصة بكيفية الوصول لموقع الايفينت من اى مكان هتتنشر قريب فخليكم متابعينا


نتمنى انكم تستمتعو معانا بوقت حلو في هيروكون وهنكون مستنين اننا نشوفكم هناك
هتتبسط يعنى هتتبسط



شـارك


635 1 1 عليك تسجيل الدخول للإعجاب بالخبر ...
التعليقات..

darkboy8

2018-06-18 - 21:42:44

لينك الإيفنت: https://www.facebook.com/events/1412920518852077/?active_tab=about