كل ما قد توّد معرفته قبل مشاهدة و تحميل انمي Fairy Tail



darkboy8 15:02:10 2018-11-04

تقرير عن أنمي السحر و المغامراتFairy Tail



هذا التقرير كتبه: Mohamed Gamal Frank

......
فيري تيل (يُعرف أيضًا بذيل الجنية أو  Fairy Tail)
هو انمي تشونين من انتاج A1 production.

القصة:

الانمي احداثه بتحصل في عالم سحري، القوي فيه كلها عبارة سحر و سحرة، و السحرة بيشتغلوا في نقابات مختلفة.
و في طبعًا نقابات خيرة و نقابات مظلمة و البناء الطبيعي التقليدي بتاع اي انمي تشونين ...




قصة فيري تيل ممكن تشوفها في الاول سطحية وبسيطة، و هي:
 إن البطل ناتسو بيهزم الاشرار الي بيحاولوا يدمروا العالم في كل ارك.
لكن لما تمشي في الانمي، هتلاقي ان القصة بقت اعمق بالتدريج لانك بتكتشف حجات اكتر عن اصل العالم الي هما فيه وأصل القصة كلها.
زي مثلا اصل زيريف و اكنولوجيا و حقيقة التنانين.

و طبعا مننساش الطابع الكوميدي الغالب علي الانمي.

الآركات:

في الحقيقة الاركات بتاعة فيري تيل كلها تقريبا كويسة، و كانت ممتعة جدًا.
و كمان حركة حلوة عاملها المؤلف انه رابطها ببعض، يعني مثلا ممكن تلاقي شخصيات من اول ارك في Fairy Tail
ظهرت تاني في اخر ارك و هكذا.
و كمان كل ارك في تويست هتعجبكم جدًا .

ده غير ان المؤلف بيحط عوامل في كل ارك؛ تخليك تشغل دماغك معاه و تحاول تتوقع
الي بيحصل معاه فبالتالي الاركات كانت ممتعة جدًا.

الزيطة:

طبعا قبل ما تتفرج علي Fairy Tail هتكون سمعت ناس كتير بتقول ان في الانمي البطل ناتسو دايما بيكسب بقوة الصداقة.
  لكن لما تشوف الانمي ،هتلاقيه مش كده خالص.
كل فايت في فيري تيل تقريبا ناتسو كسبه بسبب معين.
انه مثلا خد قوة زيادة من حد او اكل نوع معين من النار. كل مرة فاز فيها كان في سبب واضح لفوزه .
و خلينا نعتبر انه فاز بسبب رغبته في حماية اصدقائه زي ما بيتقال، ده حاجة طبيعية جدًا!!
لو حد كان مكانه و عيلته مثلا في خطر؛  هيعمل كل الي يقدر عليه حرفيًا.




الموسيقى:

كل الساوندتراكس في فيري تيل كانت حماسية جدًا!!
خصوصا في ارك البطولة الي في اخر الجزء الاول من Fairy Tail .

في اخر الريفيو بننصحكم تشوفوا فيري تيل، و خصوصًا الجزء الجديد و الأخير منه Fairy Tail: Final Series على موقعنا للأنمي المُترجم أونلاين Egyanime....

تقدروا تتابعوا الحلقة الأولى من الجزء الأخير مِن هنا



شـارك


71 0 0 عليك تسجيل الدخول للإعجاب بالخبر ...
التعليقات..

لاتوجد تعليقات ..